{"id":238179,"date":"2026-06-10T12:26:16","date_gmt":"2026-06-10T10:26:16","guid":{"rendered":"https:\/\/staging-r.alladixital.org\/patrimonio-llinguistico\/"},"modified":"2026-08-28T14:15:26","modified_gmt":"2026-08-28T12:15:26","slug":"patrimonio-llinguistico","status":"publish","type":"page","link":"https:\/\/raiola.alladixital.org\/eon\/patrimonio-llinguistico\/","title":{"rendered":"Patrimonio lling\u00fc\u00edstico"},"content":{"rendered":"

L'Academia<\/p>\n<\/div><\/div>

Patrimoniu lling\u00fc\u00edsticu<\/h1>\n<\/div><\/div><\/div><\/div><\/div>

Portada<\/a> | <\/span>Patrimonio lling\u00fc\u00edstico<\/p>\n<\/div><\/div><\/div><\/div><\/div>

La llei 1\/2001, de 6 de marzu, de Patrimoniu Cultural, establez que\u2019l Patrimoniu Etnogr\u00e1ficu int\u00e9grenlu \u00ables espresiones relevantes o d\u2019inter\u00e9s hist\u00f3ricu de les cultures y formes de vida tradicionales de los asturianos, desarrollaes coleutivamente y basaes na conocencia y nes t\u00e9uniques tresmit\u00edes consuetudinariamente, esencialmente de forma oral\u00bb. An\u00e1logamente a lo establec\u00edo na Llei 1\/1998, de 23 de marzu, d\u2019usu y promoci\u00f3n del asturianu \u2013que y\u00e1 prev\u00eda nos sos dos primeros art\u00edculos la proteici\u00f3n de dambes lling\u00fces\u2013, na Llei de Patrimoniu Cultural, \u00fan de los cinco principios espec\u00edficos de la proteici\u00f3n del Patrimoniu Etnogr\u00e1ficu ye esclusivu del patrimoniu lling\u00fc\u00edsticu:<\/p>\n

\u201cN\u2019aplicaci\u00f3n de los principios conten\u00edos nesta Llei, apoyar\u00e1se la investigaci\u00f3n y la conocencia de la llingua asturiana. Aplicar\u00e1se lo mesmo al gallego-asturianu nes zones allugaes nes cuenques de los r\u00edos Eo y Navia\u201d.<\/p>\n

Nes \u00faltimes d\u00e9cades, delles instituciones internacionales vienen alertando del peligru de desaniciu lling\u00fc\u00edsticu n\u2019Asturies, esixendo que se faigan efeutives les pol\u00edtiques afayadices pa tornar la perda de falantes y \u00e1mbitos d\u2019usu. Esta tendencia a la mengua facil\u00edtala l\u2019incumplimientu sistem\u00e1ticu de la llegalid\u00e1 vixente en materia de derechos lling\u00fc\u00edsticos n\u2019Asturies. Por casu, la previsi\u00f3n constitucional (art\u00edculu 3.3 de la Constituci\u00f3n Espa\u00f1ola), que conse\u00f1a la oficialid\u00e1 del \u201crestu de lling\u00fces nes respeutives Comunidaes Aut\u00f3nomes acordies colos sos Estatutos\u201d. D\u2019esta miente, el patrimoniu lling\u00fc\u00edsticu asturianu queda en manes d\u2019un ruin art\u00edculu 4 del Estatutu d\u2019Autonom\u00eda de 1981 y d\u2019una Llei, la d\u2019Usu y Promoci\u00f3n de 1998, qu\u2019enxam\u00e1s lleg\u00f3 a desendolcase dafechu.<\/p>\n

Asturianu, bable, o asturianolleon\u00e9s son dalgunos de los glot\u00f3nimos emplegaos pa referise a la llingua iberorrom\u00e1nica occidental falada n\u2019Asturies y delles zones del norte y occidente de Lle\u00f3n y Zamora. Ello nun implica escaecer que\u2019l dominiu lling\u00fc\u00edsticu \u00e1stur (t\u00e9rminu acu\u00f1\u00e1u pol profesor Xos\u00e9 Lluis Garc\u00eda Arias) esti\u00e9ndese hasta\u2019l rinc\u00f3n nororiental portugu\u00e9s, onde ta asent\u00e1u\u2019l mirand\u00e9s. Llera Ramo consider\u00f3 que, nam\u00e1s n\u2019Asturies \u2013que ye\u2019l marcu d\u2019actuaci\u00f3n principal de l\u2019Academia\u2013, un 25 % de la poblaci\u00f3n ye a lleer, escuchar, falar y escribir n\u2019asturianu, lo que supondr\u00eda m\u00e1s de 230.000 usuarios potenciales con toles habilidaes lling\u00fc\u00edstiques.<\/p>\n

Eonaviegu o gallego-asturianu, pero tami\u00e9n, y m\u00e1s popularmente, fala, son dellos de los nomes daos a la llingua falada nel estremu oeste d\u2019Asturies (nes parroquies occidentales de Navia, Villay\u00f3n y Ayande y nos conceyos d\u2019Ibias, Grandas de Salime, Vilanova, Santalla y Samart\u00edn d\u2019Ozcos, A Veiga, Taramundi, Castropol, Tapia, Eilao, Pez\u00f3s, Cua\u00f1a, El Franco y Bual). La so filiaci\u00f3n, motivu de gran inter\u00e9s dialeutol\u00f3xicu, ta d\u2019a caballu ente los dominios galaicoportugu\u00e9s y \u00e1stur. Colos datos sociolling\u00fc\u00edsticos de Llera Ramo, consid\u00e9rase qu\u2019un 26 % de la so poblaci\u00f3n de referencia, unes 15.000 persones, ye quien a lleer, escuchar, falar y escribir n\u2019eonaviegu.<\/p>\n

La consciencia social d\u2019esta vulnerabilid\u00e1 garr\u00f3 forma en delles reaiciones a lo llargo la historia, pero n\u2019especial y m\u00e1s intensamente nes cinco d\u00e9cades \u00faltimes, constituyendo un movimientu cultural de resistencia lling\u00fc\u00edstica que fai d\u2019esta la meyor reivindicaci\u00f3n y la m\u00e1s caltenida nel tiempu de toles que circularon pela escena sociopol\u00edtica asturiana contempor\u00e1nea. D\u2019esti mou, lleg\u00f3 a collechar \u00e9xitos importantes de convocatoria, sobre manera nos acontecimientos m\u00e1s tresversales, como\u2019l Pautu pol Autogobiernu y la Oficialid\u00e1 de mediaos de los noventa del sieglu pas\u00e1u. Esta organizaci\u00f3n social axunt\u00f3 a coleutivos pol\u00edticos, asociaciones culturales y deportives, los sindicatos mayoritarios n\u2019Asturies, etc. y que punxo na cai, nos medios de comunicaci\u00f3n y na vida cultural asturiana una vindicaci\u00f3n lling\u00fc\u00edstica con un puxu desconoc\u00edu hasta ent\u00f3s. Frutu del llabor del Pautu foron les ocho declaraciones d\u2019oficialid\u00e1 nos conceyos d\u2019Asturies.<\/p>\n

Nuna llinia d\u2019actuaci\u00f3n asemeyada, el Conceyu Abiertu pola Oficialid\u00e1, na primer d\u00e9cada del nuevu mileniu, sigui\u00f3 afondando nuna demanda social que sigue vixente hasta angua\u00f1o. Exemplu d\u2019esto son les manifestaciones d\u2019estraordinaria afluencia, como la celebrada na primavera de 2018 peles cais d\u2019Uvi\u00e9u, con unos 30.000 participantes. Asina, les d\u00e9cades \u00faltimes del sieglu XX y les dos primeres del XXI traxeron avances notables pal prestixu y la visibilid\u00e1 del asturianu y del eonaviegu. Aumentaron los estudios cient\u00edficos, les ense\u00f1ances reglaes, la presencia nos medios dixitales, el cultivu art\u00edsticu y, con mayores torgues, el so usu period\u00edsticu, radiof\u00f3nicu y televisivu. Por embargu, estes meyores nun cumplen les previsiones del marcu llegal nin son abondes como pa frenar la minorizaci\u00f3n lling\u00fc\u00edstica.<\/p>\n

Nun art\u00edculu asoley\u00e1u en Lletres Asturianes, el Presidente de l\u2019Academia, Xos\u00e9 Ant\u00f3n Gonz\u00e1lez Ria\u00f1o, afitaba la conveniencia de la co-oficialid\u00e1 de les nueses lling\u00fces nestos t\u00e9rminos:<\/p>\n

Les lling\u00fces asturiana y eonaviega son un patrimoniu cultural de tolos asturianos y asturianes. A toos y a toes pertenez por igual, al marxe de creyencies o de llex\u00edtimes diferencies ideol\u00f3xiques o pol\u00edtiques. La consideraci\u00f3n d\u2019esti bien cultural ta prevista constitucionalmente al travi\u00e9s del so reconocimientu oficial nel Estatutu d\u2019Autonom\u00eda. Asturies, a la escontra de los procesos sigu\u00edos nes otres comunidaes billing\u00fces del Est\u00e1u, nun escoy\u00f3 nel so momentu\u2019l modelu d\u2019oficializaci\u00f3n, sin\u00f3n un sistema de proteici\u00f3n que, llueu de d\u00e9cades de puesta en pr\u00e1utica, nun garantiza l\u2019exerciciu plenu de los derechos lling\u00fc\u00edsticos de la ciudadan\u00eda y ye sent\u00edu por munchos asturianos como discriminatoriu con respeutu a la pr\u00e1utica desendolcada n\u2019otros \u00e1mbitos territoriales.<\/p>\n

Darr\u00e9u de lo anterior, n\u2019Asturies hai una demanda clara de superaci\u00f3n d\u2019esta anomal\u00eda constitucional y recl\u00e1mase con puxu\u2019l llogru d\u2019una co-oficialid\u00e1 afayada a les nueses concretes necesidaes. Nesti sen, la puesta en pr\u00e1utica de la oficializaci\u00f3n nun tien por qu\u00e9 replicar los modelos implementaos n\u2019otres comunidaes, sin\u00f3n qu\u2019ha buscar un cam\u00edn propiu qu\u2019afite les posibilidaes de sobrevivencia, la llibert\u00e1 lling\u00fc\u00edstica y l\u2019aceutaci\u00f3n social de les mid\u00edes de recuperaci\u00f3n.<\/p>\n<\/div><\/div><\/div>

\"Patrimoniu<\/span><\/div>

Patrimoniu compart\u00edu<\/strong><\/p>\n

El patrimoniu lling\u00fc\u00edsticu ye una herencia com\u00fan que forma parte de la identid\u00e1 d\u2019Asturies. Conocelu, estudialu y tresmitilu ye una manera de caltener viva la nuesa historia y la nuestra cultura.<\/p>\n<\/div><\/div><\/div><\/div><\/div>","protected":false},"excerpt":{"rendered":"","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"_seopress_titles_title":"","_seopress_titles_desc":"","_seopress_robots_index":"","_seopress_robots_follow":"","_seopress_robots_imageindex":"","_seopress_robots_snippet":"","_seopress_robots_primary_cat":"","_seopress_robots_breadcrumbs":"","_seopress_robots_freeze_modified_date":"","_seopress_robots_custom_modified_date":"","_seopress_robots_canonical":"","_seopress_social_fb_title":"","_seopress_social_fb_desc":"","_seopress_social_fb_img":"","_seopress_social_fb_img_attachment_id":0,"_seopress_social_fb_img_width":0,"_seopress_social_fb_img_height":0,"_seopress_social_twitter_title":"","_seopress_social_twitter_desc":"","_seopress_social_twitter_img":"","_seopress_social_twitter_img_attachment_id":0,"_seopress_social_twitter_img_width":0,"_seopress_social_twitter_img_height":0,"_seopress_redirections_value":"","_seopress_redirections_enabled":"","_seopress_redirections_enabled_regex":"","_seopress_redirections_logged_status":"","_seopress_redirections_param":"","_seopress_redirections_type":0,"_seopress_analysis_target_kw":"","_seopress_news_disabled":"","_seopress_video_disabled":"","_seopress_video":[],"_seopress_pro_schemas_manual":[],"_seopress_pro_rich_snippets_disable_all":"","_seopress_pro_rich_snippets_disable":[],"_seopress_pro_schemas":[],"footnotes":""},"class_list":["post-238179","page","type-page","status-publish","hentry"],"acf":[],"_links":{"self":[{"href":"https:\/\/raiola.alladixital.org\/eon\/wp-json\/wp\/v2\/pages\/238179","targetHints":{"allow":["GET"]}}],"collection":[{"href":"https:\/\/raiola.alladixital.org\/eon\/wp-json\/wp\/v2\/pages"}],"about":[{"href":"https:\/\/raiola.alladixital.org\/eon\/wp-json\/wp\/v2\/types\/page"}],"author":[{"embeddable":true,"href":"https:\/\/raiola.alladixital.org\/eon\/wp-json\/wp\/v2\/users\/1"}],"replies":[{"embeddable":true,"href":"https:\/\/raiola.alladixital.org\/eon\/wp-json\/wp\/v2\/comments?post=238179"}],"version-history":[{"count":3,"href":"https:\/\/raiola.alladixital.org\/eon\/wp-json\/wp\/v2\/pages\/238179\/revisions"}],"predecessor-version":[{"id":241073,"href":"https:\/\/raiola.alladixital.org\/eon\/wp-json\/wp\/v2\/pages\/238179\/revisions\/241073"}],"wp:attachment":[{"href":"https:\/\/raiola.alladixital.org\/eon\/wp-json\/wp\/v2\/media?parent=238179"}],"curies":[{"name":"wp","href":"https:\/\/api.w.org\/{rel}","templated":true}]}}