{"id":5036,"date":"2003-05-28T12:35:58","date_gmt":"2003-05-28T11:35:58","guid":{"rendered":"https:\/\/alladixital.org\/la-ensenanza-de-la-llingua-asturiana\/"},"modified":"2003-05-28T12:35:58","modified_gmt":"2003-05-28T11:35:58","slug":"la-ensenanza-de-la-llingua-asturiana","status":"publish","type":"post","link":"https:\/\/raiola.alladixital.org\/en\/la-ensenanza-de-la-llingua-asturiana\/","title":{"rendered":"La ense\u00f1anza de la llingua asturiana"},"content":{"rendered":"

L’Academia de la Llingua Asturiana, mu\u00e9rganu del Princip\u00e1u d’Asturies, estudi\u00f3’l martes 28 de mayu, en Xunta Estraordinaria, les posibilidaes de denuncia social \u00e9nte la llamentable situaci\u00f3n de la ense\u00f1anza de la Llingua na Educaci\u00f3n Primaria y Secundaria, que ye responsabilid\u00e1 esclusiva del Gobiernu del Princip\u00e1u d’Asturies.<\/p>\n

Convi\u00e9n nun escaecer qu’a les mid\u00edes del Conseyu d’Universidaes que suponen, ‘de facto’ la prohibici\u00f3n del estudiu de la Llingua Asturiana nel nivel universitariu, hai que xunir toa una llarga serie de cuestiones ensin solucionar per parte de l’alministraci\u00f3n educativa del Princip\u00e1u, como son: a) negaci\u00f3n del \u00c1rea de Llingua Asturiana en Primaria y Secundaria, b) falta de desarrollu llegal del apart\u00e1u de la Ense\u00f1anza de la Llei d’Usu del Asturianu, c) inesistencia del cat\u00f3logu de puestos de trabayu ya imposibilid\u00e1, darr\u00e9u d’ello, de concursos de tresllaos por llingua asturiana, d) estatus d’optativid\u00e1 (non de voluntaried\u00e1) en Secundaria, etc.<\/p>\n

A tolo anterior, hai qu’amestar agora l’escandalosu remanamientu fechu dende la Conseyer\u00eda d’Educaci\u00f3n y Cultura (y responsabilid\u00e1 direuta del so Conseyeru) de la propuesta curricular fecha pola comisi\u00f3n que dise\u00f1\u00f3 los curr\u00edculos de Primaria, Secundaria y Bachilleratu y que refrend\u00f3’l Conseyu Escolar d’Asturies. Asina y am\u00e1s d’otros recortes dafechu inxustificables dende’l puntu de vista t\u00e9unico-pedag\u00f3xicu, dende’l Gobiernu asturianu y con impunid\u00e1 sangrina, acaba de camudase’l t\u00edtulu de la materia, allugando LLINGUA TRADICIONAL: BABLE\/ASTURIANU ell\u00ed onde la Comisi\u00f3n y el Conseyu Escolar d’Asturies afiten qu’habr\u00eda apaecer como LLINGUA ASTURIANA.<\/p>\n

L’Academia de la Llingua Asturiana entiende qu’esti facer constit\u00fai una burlla que nun tien precedente, desque la denomaci\u00f3n LLINGUA ASTURIANA ye la reconocida oficialmente pol Conveniu d’Escolarizaci\u00f3n firm\u00e1u ente’l MEC y el Princip\u00e1u d’Asturies, pola Universid\u00e1 d’Uvi\u00e9u, pol mesmu Gobiernu del Princip\u00e1u y polos organismos ya instituciones filol\u00f3xiques internacionales. Darr\u00e9u d’ello, teniendo en cuenta qu’a l’Academia de la Llingua Asturiana se-y encamienta mirar polos drechos lling\u00fc\u00edsticos de los asturianos, y decat\u00e1ndose de la grav\u00edsima responsabilid\u00e1 na que s’incurre, nesta Xunta Estraordinaria, l’Academia de la Llingua Asturiana apaut\u00f3se por unanimid\u00e1 no que sigue darr\u00e9u:<\/p>\n

    \n
  1. Esixir la dimisi\u00f3n inmediata del Conseyeru d’Educaci\u00f3n y Cultura, D. Francisco Javier Fern\u00e1ndez Vallina, como responsable primeru del remanamientu del testu de la propuesta curricular, qu’amuesa una vegada m\u00e1s la so pol\u00edtica antiasturiana.<\/li>\n
  2. Refugar toa collaboraci\u00f3n nes actividaes conxuntes cola Conseyer\u00eda d’Educaci\u00f3n y Cultura del Princip\u00e1u d’Asturies.<\/li>\n
  3. Axuntase colos sindicatos d’ense\u00f1anza, part\u00edos pol\u00edticos, asociaciones culturales y ciudadanes pa informar de la posici\u00f3n de l’Academia de la Llingua Asturiana y encamenta-yos una actuaci\u00f3n de conxuntu frente a la Conseyer\u00eda d’Educaci\u00f3n y Cultura.<\/li>\n
  4. Caltener xuntes col profesor\u00e1u de Llingua Asturiana, encament\u00e1ndolu nel sen de que nun reconozan la denomaci\u00f3n Llingua tradicional: Bable\/Asturianu, sin\u00f3n que, a la escontra, sigan emplegando como hasta agora lo fixeron la denomaci\u00f3n LLINGUA ASTURIANA. Am\u00e1s d’ello, qu’espliquen al alumn\u00e1u y a les comunidaes educatives la situaci\u00f3n.<\/li>\n
  5. Denunciar nes asociaciones y foros internacionales de defensa de les lling\u00fces y los drechos humanos esta situaci\u00f3n.<\/li>\n
  6. Pidir y facilitar la visita a Asturies d’observadores internacionales, pa que conozan sobre’l terr\u00e9n la violaci\u00f3n que de los drechos lling\u00fc\u00edsticos m\u00e1s elementales de los ciudadanos y ciudadanes asturianos se t\u00e1n dando ente n\u00f3s.<\/li>\n
  7. Ellaborar y espublizar un informe, n’ingl\u00e9s y n’asturianu, sobro la non reconocencia y represi\u00f3n de los drechos lling\u00fc\u00edsticos n’Asturies, informe que sedr\u00e1 unvi\u00e1u a toles entidaes y organismos nacionales ya internacionales colos que l’Academia de la Llingua Asturiana se rellaciona.<\/li>\n
  8. Facer un llamamientu xeneraliz\u00e1u a periodistes, escritores, editores, organizaciones sindicales, pol\u00edtiques, culturales y ciudadanes de toa mena pa qu’empleguen sistem\u00e1ticamente nos sos escritos al falar del idioma asturianu, la denomaci\u00f3n LLINGUA ASTURIANA.<\/li>\n<\/ol>\n

    L’Academia de la Llingua Asturiana fai, am\u00e1s, un llam\u00e1u dram\u00e1ticu a tola socied\u00e1 pa que, nesti momentu cr\u00edticu nel que l’antiasturianismu m\u00e1s xabaz intenta frayar la identid\u00e1 coleutiva d’Asturies, se sepa responder serena, pero contundentemente col oxetu d’algamar, d’una vegada y definitivamente, la xusticia democr\u00e1tica que representa l’estatus d’oficialid\u00e1 de la llingua hest\u00f3rica del Pueblu Asturianu.<\/p>\n

    Uvi\u00e9u, 28 de mayu de 2003
    \nAcademia de la Llingua Asturiana
    \n