Concursos

Concursu de recoyida de material toponímico oral ensin asoleyar, qu’abarque la totalidá d’una parroquia, un grupu de parroquies o un conceyu. Les obres candidates han siguir el plantegamientu y el formatu de la coleición Toponimia.

Concursu de recoyida oral de léxicu asturianu ensin asoleyar, qu’abarque la totalidá d’una parroquia, un grupu de parroquies o un conceyu. Les obres candidates han siguir el plantegamientu y el formatu de la coleición Preseos.

Concursu de propuestes de Terminoloxía especializada. Les obres candidates han siguir el plantegamientu y el formatu de la coleición TermAst.

Concursu d’investigación llingüística o lliteraria. Les obres candidates han siguir el plantegamientu, el formatu y les normes de los artículos d’investigación de la revista Lletres Asturianes.

Concursu «Xosé Bolado» de recoyida de material lliterario inédito anterior a 1970. Les obres candidates han siguir el plantegamientu y el formatu de la coleición Cartafueyos de Lliteratura Escaecida.

Concursu de divulgación de teunoloxía y ciencies naturales. Les obres candidates han siguir el plantegamientu y el formatu de los artículos de la revista Ciencies, Cartafueyos de Ciencia y Teunoloxía.

Concursu de recoyida, trescripción y estudiu de testos orales, qu’habrán ser una o más pieces que faigan un total superior a los 20 minutos de voz.

Concursu de documentalismu sociocultural curtiu. Con un enfoque concretu habrá rexir el desendolcu del documental, que llevará en pantalla los títulos, creitos y otros rótulos necesarios.